Të tjera detaje dalin në pah pas dëshmive të shoqeve të Ermira Dushit, e cila ndërroi tre ditë më parë pasi u qëllua me armë zjarri nga i dashuri, i cili më pas vrau dhe veten.
Sipas shoqeve të 29-vjeçares, Ermira ka kërkuar të ndahej prej Drini Dervenit që pas Vitit të Ri, kjo sepse Drini i shkonte shpesh në dyqanin e saj, në qendër të qytetit, përgjatë pedonales kryesore, ndërkohë që Ermira donte t’i kthehej jetës së qetë familjare.
Megjithatë kjo do pritet të konfiromhet pasi grupi hetimor të zbardhë bisedat dhe mesazhet telefonike midis dy të dashuruarve.
Ermira Dushi u gjet e vrarë gjatë paradites së të premtes, në një makinë tip “Fuoristradë” buzë rrugës në fshatin Shënpjetër të Fierit, krah të dashurit Drini Derveni.
Fieraku u gjet me një pistoletë tip “TT” në dorë, për këtë arsye policia beson se ai është autori I vrasjes së Ermirës dhe pas krimit i ka dhënë fund edhe jetës së tij. Të dy të rinjtë ishin të martuar me të tjerë persona, madje kishin edhe fëmijë. (D.D/Shuplaka)
Discussion about this post