Ky muaj Dhjetor vjen i trishtë për këngëtaren Celine Dion. Është Krishtlindja e parë që ajo feston pa bashkëshortin e saj, i cili në Janar të 2015-ës, humbi betejën me kancerin. Këngëtarja shprehet se nuk do të ketë më gëzim për të por gjithashtu pohon se duhet të gjejë forcë për të përballuar humbjen dhe mungesën që ai la pas. Mbi të gjitha duhet të gjej forcë për tri fëmijët e mi me të cilët do të shkoj për ski- tregon Dion.
“Nuk mund të jetoj duke pasur gjatë gjithë kohës në mendje idenë se kam humbur tim shoq dhe se fëmijët e mi nuk kanë një baba. Duhet të përpiqem të jem e fortë, pasi kjo është mënyra ime e të jetuarit: duke qenë pozitive, duke zgjedhur betejat ku më duhet të luftoj, duke u përpjekur të bëj më të mirën e mundshme dhe të jetoj për të sotmen, jo për të nesërmen. Bashkë me fëmijët do të shkojmë për ski. Ai ka lënë diçka magjike në atë dëborë, në ato male. Kështu që sa herë që unë bëj ski atje, e ndiej pranë meje. Kur fëmijët bëjnë ski, e mendojnë edhe më shumë”, rrëfen këngëtarja.
Discussion about this post