Kristian Danielson takon Ramën dhe Bashën: Jini të përgjegjshëm, krijoni siguri për qytetarët

Drejtori i Përgjithshëm për Politikat Evropiane të Fqinjësisë dhe Negocimet e Zgjerimit, Kristian Danielson pas takimit me kryeministri Rama dhe Lulzim Bashën mbajti dhe një konferencë për shtyp ku theksoi se Shqipëria duhet të futet në “binarët” e stabilitetit si një garanci për qyterarët e saj të cilët janë kthyer në shqetësim për numrin e lartë të azilkërkimit si dhe për bisedimet me BE-në në qershor.

“Është fatkeqësi që sot Shqipëria gjendet në pasiguri, stabiliteti dhe kurth krize politike. Të gjitha forcat politike të marrin përgjegjësi dhe të lejojnë një ecuri të mirë të reformave kyçe në vend siç është ajo e drejtësisë. Udhëheqja e përgjegjshme duhet të krijojë trajektore për fatet e vendit duke e çuar në tavolinën e negociatave me BE.”

Danielson i ka qëndruar linjës së zyrtarëve të tjerë të BE-së duke e konsideruar si të dëmshme vendimmarjen e opozitës për të djegur mandatet në bllok.

“Kam qenë i qartë sa i përket opozitës dhe kam theksuar rëndësinë që vendimi i tyre për të djegur mandatet  ndërhyn në mënyrë serioze në rrugëtimin drejt BE-së. Dallimet dhe diferencat politike diskutohen në Parlament. Ky bojkot është kundërproduktiv dhe nominon reformat”, tha ai.

Duke iu referuar bisedimeve që pritet të mbahen në qershor të këtij viti shefi i zgjerimit në BE- e sheh rrugëtimin 1 vjeçar të Shqipërisë nga qershori i viti të kaluar si të frutshëm.

“Në qershor të 2018-s diskutuam Shqiperinë dhe që atëherë janë dhënë rezultatet kyce për negociatat, ku përmend reformën në drejtësi, krijimin e organeve të reja gjyqësore që po çon në një hetim zinxhir për cështje që lidhen me krimin dhe korrupsionin. Gjithashtu KED është i rëndësishëm dhe ka mbështetjen tonë. Ne ritheksojmë pavarësinë dhe paanshmërinë e tij dhe duhet ruajtur në të gjitha fazat.  Inkurajojmë angazhimin për plotësimin e vakancave në Gjykatën Kushtetuese dhe Gjykatën e lartë“, tha Danielson para gazetarëve.

Më herët ai takoi kryeministrin Edi Rama (lexo ketu) si dhe liderin e opozitës Lulzim Basha (lexo ketu) për të diskutuar në lidhjen me krizën politike në vend si dhe reformat kyçe që ndiqen me mjaft vëmendje nga partnerët nërkombëtarë.