Enes Kanter është një “flamur i kuq” për Recep Tayyip Erdogan dhe në fakt, siç e ka denoncuar vetë sportisti, presidenti turk e ka paditur dhe ka kërkuar arrestimin e tij, me akuzat për “ fyerje të presidentit ”.
Jo të pakta janë rastet që Enes Kanter ka kritikuar praktikat antidemokratike të presidentit turk. Të njëjtën gjë bën edhe në intervistën e tij në emisionin “Society Hour MEGA”, duke përmendur ndër të tjera se Erdogan i kërkoi Elon Musk të bllokonte nga Twitter gazetarët që janë kundër presidentit turk.
“Së pari ka shumë video, dhe unë kam ngarkuar disa video , madje edhe liderët e opozitës kanë ngarkuar disa video ku Erdogan po vidhte. Kur patën një bisedë me miqtë në Amerikë ose, me kongresmenë në Uashington, ata thanë se nuk mendonin se mund të kishte zgjedhje të lira apo të ndershme.. Ai u përpoq të vidhte, u përpoq të falsifikonte, por opozita është aq e fortë sa ai (përfshirë Erdoganin) nuk ia doli të mbështetej te vetja në raundin e parë”, tha fillimisht ai.
Sipas Enes Kanter, ” Qeveria turke iu afrua Elon Musk dhe i tha atij ‘nëse nuk i bllokon gazetarët që duam të bllokosh, ne do ta ndalojmë aplikacionin në Turqi. Ky ishte shantazh i madh. Elon Musk u strukur para diktaturës , sepse bllokoi gazetarët që donte Erdogan. Këta gazetarë ishin edhe më të rëndësishmit për zgjedhjet , sepse publikuan krimet e Erdoganit. Ai zgjedh (tha Elon Musk) paratë mbi etikën, parimet dhe vlerat.”
“Turqia nuk është më një vend i lirë. Turqia mund të jetë një urë lidhëse mes Islamit dhe Perëndimit, por me taktikat e Erdoganit është e pamundur. Ekonomia është në kolaps, ka shumë akte terroriste dhe është shumë e trishtueshme sepse është vendi im. Turqisë do t’i duhet pak kohë nëse humbet Erdogan në mënyrë që Turqia të bëhet sërish një vend i lirë, por me Erdoganin kjo është e pamundur”.
