Pavarësisht se mesnata erdhi, antarët e kryesisë së BDI-së akoma nuk kanë marrë një vendim përfundimtar nëse do bashkohen apo jo me liderin e VMRO-DPMNE-së, Nikolla Gruevski.
Kështu Gruevski ka dështuar të krijojë qeverinë për shkak se u duheshin edhe votat e shqiptarëve në Parlament.
Sipas burimeve të Portalit “Albeu.com”, shumica antarëve të kryesisë së BDI të njohur si “krahu i luftës” si Sadulla Duraku, Hazbi Lika, Fatmir Dehari, Rafiz Aliti dhe Xhevat Ademi janë kundër koalicionit me VMRO, ndërsa dy emrat e njohur për publikun si të afërt me VMRO-DPMNE, Musa Xhaferi dhe Fatmir Besimi janë për koalicion me VMRO-në dhe po lobojnë për këtë gjë.
Zëdhënësi i BDI-së, Bujar Osmani, deklaron se pas debatit nuk është arritur unanimiteti për t’i thënë po Gruevskit për të hyrë në koalicion qeveritar.
“Ajo çfarë mund të them se në mënyrë unanime kemi konstatuar se ende nuk janë shterur argumentet nga ky debat. Nuk kemi argumente të mjaftueshme për njërin nga 5 opsionet”, deklaron Osmani.
Pas dështimit të koalicionit, priten të tjera tensione në Maqedoni. (D.D/Shuplaka)
