Debati për çështjen e kultivimit të drogës vazhdon ende duke u thelluar akuzat ndaj Policisë së Shtetit. Vetë kryetari i Gjykatës së Shkallës së Parë në Vlorë, Skënder Haluci, ka deklaruar se në tre vitet që ai ka drejtuar këtë gjykatë, në bankën e të akuzuarve nuk është ulur asnjë organizator i kultivimit të kanabisit.
“Në gjykatë vijnë vetëm punëtorët, jo organizatorët e kultivimit. Vijnë vetëm punëtorët që vadisin prashisin dhe ruajnë. Organizatorët e kultivimit të bimëve narkotike nuk kanë ardhur deri më sot për tu gjykuar të paktën në gjykatën që drejtoj unë prej 3 vitesh”, -tha Haluci në një dalje për mediat.
Ndër të tjera, Haluci shton se hetimet nuk shkojnë shumë thellë për të kapur kultivuesit e vërtetë, organizatorët, duke ia lënë kështu fajin Policisë së Shtetit.
“Problemi është se hetimet janë të përcipta, në gjyq vijnë punëtorët dhe nuk shkohet më tej për të kapur organizatorët, ata kultivuesit e vërtetë jo punëtorët e hashashit “,thotë kryegjykatësi i Vlorës. (D.D/Shuplaka)
Discussion about this post