Kryetarja e LSI-së, Monika Kryemadhi e ndodhur në Plepa Durrës për protestën e sotme të opozitës, në fjalën e saj përballë protestuesve dhe medias është shprehur se do të provojnë çdo formë për të rrëzuar Ramën nga një pushtet që e mban në kundërshtim me vullnetin e popullit të tij.
Sipas saj një gjë e tillë është e dukur qartazi edhe nga përshkallëzimi i protestës ditën e sotme, ku nga 5 qarqe ditë më parë do të zhvillohet në 12 qarqe.
“Kjo është një protestë për ta kthyer edhe vetë Partinë Socialiste në shinat e socialdemokracisë së vërtetë. Përshkallëzimi nuk është mirë as për Partinë as për Parlamentin, as për shqiptarët. Këta nuk kanë filluar të kuptojnë se mosbindja civile e vërtetë nuk ka filluar ende.
Ajo që them unë është se opozita nuk ka ndërmend pushtimin e godinave dhe të rrugëve, por të pushtojmë mendjen e shqiptarëve. Ne duhet tu japim shqiptarëve një vend më të mirë për të jetuar.
Të shembim këtë sistem të kalbur që ka shkatëtrruar çdo ndjenjë për të ndërtuar të ardhmen, por edhe atë pak që ka mbetur nga historia. Ne do të bëjmë çdo lloj proteste politikë për të sensibilizuar shqiptarët,
Jemi këtu për të shkuar edhe në pikën e fundit të gjakut për ti thënë Ramës që nuk e merr dot peng këtë vend. Ne po provojmë të gjithçka, edhe për ta rrethuar parlamentin, edhe për të bllokuar rrugën.
Javën e kaluar ishin 5 akse, tani janë 12 akse, nuk di të them çdo të ndodh në javën e ardhshme. Tani fatin duhet ta marrin në dorë shqiptarët.”
Përsa i përket aludimeve dhe deklaratave të kryeministrit se veprimet e opozitës janë të dëshpëruara për shkak se ka mbetur e izoluar, Kryemadhi tha se: “Opozita nuk është e izoluar nga ndërkombëtarët, opozita është në kontakt të vazhdueshëm me ndërkombëtarët, sigurisht jo me ata që vijnë për turizëm.
Sa për izolimin e thënë do ta dëgjoni edhe izolimin e opozitës… Në nuk jemi të izoluar, ne jemi në kontakt të vazhdueshëm me partnerët tanë.”- deklaroi Kryemadhi.
Në lidhje me incidentet e mundshme dhe tensionimin e situatës në Fier mes policisë dhe protestuesve Kryemadhi është shprehur se: “Protestat duhet të vazhdojnë, janë simbol i demokracisë. Çdo dhunë që policia ushtron ndaj protestuesve tregon frikë dhe panik. Çdo qëndresë tregon që protestuesit janë të vendosur në rrugën e tyre për të mos u kthyer më pas“.
Ndërsa përsa i përket ndryshimit të reformës zgjedhore nga qeveria, Kryemadhi është shprehur se nëse nje gjë e tillë ndodh atëherë Rama do të jetë ai i cili do të hyjë në burg për shkeljet e kryera. Po ashtu në lidhje me kundërshtimet e kryeministrit për dorëheqje dhe krijimin e një qeverie tranzitore, si dhe deklaratat se Partia Socialiste do të fitojë edhe bashkitë e udhëhequra nga PD-ja në zgjedhjet e qershorit, kryetarja e LSI-së ka thënë se: “Unë nuk pres që Rama të reagojë, unë pres që të reagojë partia socialiste. Nëse Edi Rama do të kishte edhe një numër më të lartë se ne, ai do ta kishte çuar vendin në zgjedhje, por jam e sigurt që ai nuk i ka numrat. Sot kemi një diktator në krye të vendit i cili në ndryshim nga Enver Hoxha është i veshur me atlete dhe brekushe.”
(B.L/FAXWEB.AL)
Discussion about this post