Kryetarja e Lëvizjes Socialiste për Integrim Monika Kryemadhi, ka reaguar pas raportit me 100 emrat e zyrtarëve të publikuar nga kryeministri Edi Rama, të cilët akuzoheshin nga komentuesit sit ë lidhur me korrupsionin dhe abuzimet në administratë.
Kryemadhi këtë e cilëson si një gjueti shqtrigash dhe shprehet se Rama po e bën këtë për t’u dukur se po merret me drejtimin e qeverisë.
“Për t’u dukur se po merret me drejtimin e qeverisë, Edi Rama ka nisur gjuetinë e shtrigave në administratë duke publikuar lista me emra nëpunësish, që sipas komenteve që i bëjnë në FB, na qenkan e keqja e madhe e vendit. Me këto spiunllëqe, vjedhësi dhe shkatërruesi i votës së lirë të shqiptarëve mendon se mund t’i shpëtojë të vërtetës vrastare, asaj të tjetërsimit të votës që ai i bëri shqiptarëve më 25 qershor.
Më kot mundohet të tërheqë vëmendjen si adoleshent i vonuar dhe me lista linçuese për njerëzit që i ka vënë vetë në punë.”, shkruan Kryemadhi.
Kujtojmë se kryeministri i bëri publik emrat e 100 zyrtarëve, pavarësisht se nuk është bërë asnjë verifikim dhe nuk ka bërë publik asnjë fakt për korrupsion dhe abuzim me detyrën. Rama nuk ka sqaruar se nga kush i ka ardhur denoncimi, as për çfarë, nuk jepen as fakte dhe nuk thotë nëse është verifikuar.
REAGIMI I KRYEMADHIT
Për t’u dukur se po merret me drejtimin e qeverisë, Edi Rama ka nisur gjuetinë e shtrigave në administratë duke publikuar lista me emra nëpunësish, që sipas komenteve që i bëjnë në FB, na qenkan e keqja e madhe e vendit. Me këto spiunllëqe, vjedhësi dhe shkatërruesi i votës së lirë të shqiptarëve mendon se mund t’i shpëtojë të vërtetës vrastare, asaj të tjetërsimit të votës që ai i bëri shqiptarëve më 25 qershor.
Më kot mundohet të tërheqë vëmendjen si adoleshent i vonuar dhe me lista linçuese për njerëzit që i ka vënë vetë në punë.
Askush nuk i beson më atij që tradhtoi besimin e çdo votuesi me vjedhjen dhe tjetërsimin e votës. Ndaj sot më shumë se kurrë, bashkë me ne janë edhe shumica e shqiptarëve. Ata që e dënuan me heshtjen e tyre ditën e votimit dhe që e kanë më të qartë se kurrë, se kryeministri dembel dhe arrogant, tallet dhe shpërdoron besimin e shqiptarëve.
Me lista false dhe me veshje që të tërheqin vëmendjen nuk mund të anashkalosh vjedhjen e votës që i bëri shqiptarëve. Ndaj i kujtoj Edi Ramës se llogaria do të jepet dhe askush, asnjëherë dhe në asnjë moment, nuk do të mund ta largojë vëmendjen dhe qëllimin tonë final: Të drejtën e shqiptarëve për të votuar lirshëm dhe pa presion politik, kriminal dhe të blerë me paratë e drogës.
Sot filloi delegjitimimi nga vetë PS, e cila tani kërkon të rinumërojë votat që ka numëruar vetë. (D.D/Shuplaka)
Discussion about this post