Policia kufitare e Malit të Zi ka sekuestruar rreth 129 kg marijuanë në kufirin shqiptaro-malazez në Godinje, komuna e Tivarit.
Policia kufitare ka kontrolluar zonën në qytetin e Godinjës dhe kanë gjetur një veturë me targa të Podgoricës në të cilën ndodhenin një çantë dhe dy thasë.
U konstatua se në çantën dhe thasët në fjalë gjenden 129 pako me përmbajtje që dyshohet se janë lëndë narkotike marijuanë, me peshën totale prej128.8 kilogramëve.
Për ngjarjen është njoftuar prokurori në Prokurorinë e Lartë të Shtetit në Podgoricë.
Policia ka bërë me dije se në vijimësi të aktiviteteve të mëtejshme, punonjësit e Sektorit për luftën kundër krimit në bashkëpunim me efektivët e Sektorit të Policisë Kufitare kanë ndërmarrë masa dhe veprime me qëllim përcaktimin dhe identifikimin e personave që kanë marrë pjesë në kontrabandën dhe transportimin e këtyre lëndëve narkotike.
Discussion about this post