Shkarkimi i Ylli Manjanit nga posti i Ministrit të Drejtësisë mësohet se është firmosur ditën e sotme, ndërkohë që nuk kishte njoftim zyrtar lidhur me shkarkimin e tij.
Përmes një njoftimi të zyrës së shtypit Kryeministri Rama ka firmosur lirimin nga detyra të Ministrit të Drejtësisë Ylli Manjani dhe emërimin në këtë detyrë të Z. Petrit Vasili.
Mësohet se shkresa i është dërguar Kreut të Lartë të Shtetit, Bujar Nishani.
Lajmi për shkarkimin vjen dy orë pas takimit që kryeministri Edi Rama zhvilloi me Ilir Metën në Kryesinë e Kuvendit.
Lajmi për shkarkimin e tij qarkulloi që mbrëmjen e djeshme, kur përflitej për tension mes Ramës dhe Metës, ku përflitej për dorëheqjen e Tahirit në shkëmbim të dy ministrave të LSI-së. Lajmin për shkarkimin e tij, ministri Manjani e mohoi pak para mesnate, teksa shprehej se nuk kishte dhënë dorëheqjen dhe as nuk do ta jepte. (XH.A/SHUPLAKA)
Discussion about this post