Klubi i Tiranës ka vendosur këtë të shtunë që drejtimin e ekipit të vijojë ta ketë trajneri aktual, Emanuel Egbo. Lajmin e ka bërë të ditur vetë ekipi në faqen zyrare në “Facebook”. Egbo do të qëndrojë në krye të Tiranës të paktën deri në fund të sezonit.
Ai cilësohet si një trajner tek i cili presidenti dhe skuadra kanë besim të plotë dhe që mund të arrijë objektivat sezonale.
“Emanuel Egbo do të vijojë në krye të Tiranës. Trajneri bardheblu gëzon besimin e plotë të presidentit, klubit dhe skuadrës për të marrë zyrtarisht drejtimin. Pas tre ndeshjeve me të në krye, klubi ka vendosur ti besojë deri në përfundim të sezonit pankinën bardheblu.
Një zgjedhje brenda familjes për të synuar objektivat sezonale. Egbo prej gjashtë vitesh është pjesë e stafit teknik të Tiranës ndërkohë që ka eksperiencën e duhur dhe kualifikimet përkatese për të drejtuar skuadrën”, shkruhet në postimin e klubit të Tiranës.
(M. I./ Faxweb.al)
Discussion about this post