Greis Kapxhiu, është shembulli më i miri i të riut shqiptar, kur puna dhe këmbëngulja për të arritur majat është thelbi i suksesit për nië të ardhme më të mirë! Greis, është tashmë ka nisur një etapë të re në jetën e saj, atë të studimeve në universitetin ndërkombëtar në SHBA “University of Pennsylvania”, për menaxhim shëndetësor.
Në një intervistë për “Shuplakën”, Greis shprehet e entuziazmuar dhe e lumtur për realizimin e një prej ëndrrave të saj më të mëdha, ndërsa këtë arritje ja dedikon babait të saj, i cili nuk jeton më! Ndoshta kjo ka qenë dhe një ndër shtysat më të mëdha të saj, të studiojë për përmirësimin e shëndetësor tek njerëzit!
Ajo ka një mesazh të fortë për arsimin në Shqipëri dhe të rinjtë: “ të rinjtë që “vrasin” kohën, vijnë si rrjedhojë e një arsimi jo përfshirës. Që nxënësit, të jenë më të suksesshëm e produktiv, nevojitet që metoda e mësimdhënies të jetë sa më përfshirëse dhe nxitëse, pra, tu ngacmojë kureshtjen dhe të nxisë mendimin kritik te ata.Të rinjve shqipëtarë do ti thoja se edukimi është e vetmja rrugë drejt një jete të mirë jo vetëm për ta, por gjithashtu për familjen e tyre”.
Greis, si arrite të bëhesh pjesë e një universiteti në SHBA?
Universitet amerikane, dhe konkonkretisht “University of Pennsylvania”, i kushton shumë rëndësi formimit të përgjithshëm të individit. Këtu përveç notave dhe provimeve standarde, përfshihet kreativiteti nëpërmjet ese-ve personale, eksperiencat e punës, aktivitetet jashtëshkollore, sportet dhe eksperienca në lidership.
Rezultatet e mia në shkollë të mesme dhe në teste, kanë qenë të larta, por mendoj që personaliteti dhe formimi gjithëpërfshirës më mundësuan që të bëhem pjesë e këtij universiteti kaq të rëndësishëm dhe me famë ndërkombëtare. Aplikimi në universitetin amerikan, ashtu si rreguallat e këtij vendi, ishte një proces i gjatë që kaloi në disa hapa, të cilat analizuan disa aspekte të ndryshme të personalitetit tek unë dhe të gjithë aplikantët nga mbarë bota.
Procesi ishte i përbërë nga testet standarde, notat në gjimnaz, eseja ose historia personale, aktivitetet jashtëshkollore dhe një intervistë(me shkrim dhe gojë). Kam nisur përgatitjet për këtë proces që në fund të vitit të dytë në gjimnaz. Fillova të studioj për provimin e SAT dhe SAT Subject, provime që çdo universitet anëtar i “Ivy League” i ka të detyrueshme.
Në fillim të vitit të maturës, në gjimnaz, kur hapet dhe portali që mundësohet aplikimi në këto kolegje, fillova të punoja mbi temën e esesë dhe suplementeve të detyrueshme të universiteteve. Gjithashtu, kam punuar në mënyrë të vazhdueshme në shkollë dhe kam qenë shumë e perfshirë në aktivitete jashtëshkollore në ndihmë të komunitetit, vullnetarizëm dhe sport.
Sa të kanë ndihmuar rezultatet e arritura në arsimin e mesëm?Cilat kane qenë disa aktivitete të tjera në të cilat je perfshirë gjatë kësaj periudhe 3 vjeçare?
Në gjimnaz kam patur rezultate të larta, por jo çfarë domodoshmërisht do të quhej “ekselencë” në Shqipëri (që nënkupton 10.0). Për mua nuk kanë qenë më të rëndësishme rezultatet sesa formimii përgjithshëm si dhe natyrisht aftësia për ti aplikuar njohuritë në klasë, në jetën e perditëshme.
Në 3 vitet e gjimnazit kam marrës pjesë në mënyrë aktive në organizatën e “Kryqit te Kuq” dhe “Save the Children” dhe organizata të tjera. Në verën e vitit 2016(pasi mbarova vitin e dytë të gjimnazit) u përzgjodha për të ndjekur një program veror mbi Shkencat biologjike dhe Biomjekësore në “Yale University”. Ajo eksperiencë ishte çka më dha shtysën për të aplikuar në Shtetet e Bashkuara të Amerikës për arsimin universitar.
Ke një mesazh për arsimin në Shqipëri? Po për të rinjtë që “vrasin” kohën e tyre apo ata që aspirojnë rrugën drejt dijes?
Mendoj se, të rinjtë që “vrasin” kohën janë rezultat i një arsimi jo përfshirës për njohuritë e tyre. Që nxënësit të jenë më të suksesshëm dhe të vetëdijshëm duhet që metoda e mesimdhënies të jetë më gjithë përfshirëse dhe nxitese, pra, ti ngacmojë kureshtjen dhe të nxisë mendimin kritik te të rinjtë. Të rinjëve shqipëtarë do t’iu thoja se, edukimi cilësor është e vetmja rrugë drejt një jete të mire jo vetëm për ne por dhe për familjet tona, që investojnë e punojnë për të ardhmen tonë më të mirë. Asgjë nuk është e pamundur nëse punon fort dhe ke pasion për ate çfarë ke dëshirë të bësh në jetë.
Pas kësaj sfide kaq të rëndësishme në jetën tuaj, cilat janë aspiratat e së ardhmes?
Në të ardhmen aspiroj qe ta perdor edukimin tim per te pasur nje impakt pozitiv ne jetet e qytetareve shqiptare ne aspektin e shendetesise. Mbi te gjitha Shqiperia eshte vendi ku une jam rritur dhe ne te ardhmen do te doja te rikthehesha dhe te beja nje ndryshim qe do ti ofronte shqiptareve nje sistem shendetesor te nivelit te larte.
Si do ta përfaqësojë Greis Shqipërinë në karrierën e saj nëpër botë?
Unë shpresoj shumë se një ditë do të arrij ta përfaqësoj Shqipërinë në shkallë globale. Më e rëndësishme për mua është tu tregoj njerëzve se çfarë është i aftë të bëjë një i ri, sidmos një i ri nga një vend në zhvillim, si Shqipëria, dhe sesa shumë fuqi ka për ta ndryshuar mjedisin që e rrethon.
Nëse ke një dedikim për arritjet tuaja…
Dua të falenderoj familjen time dhe miqte e mi të afërt për mbështetjen që më kanë dhënë gjatë përpjekjeve për të arritur qellimet e mia. Këtë arritje ia dedikoj veçanërisht babait tim, që nuk jeton më, dhe shpresoj se ai ndihet krenar për mua./SHUPLAKA–Intervistoi: Elitjona Doko
