Një ngjarje e rëndë ka tronditur këtë mëngjes Vlorën në rrugën kryesore të Bulevardit Vlorë-Skelë. Katër persona janë përfshirë në një konflikt fizik, ku ka mbetur i plagosur rëndë pas goditjeve me thika Edi Alikaj, 44 vjeç, i njohur si bamirës në qytetin bregdetar.
Alikaj ndodhet në spital, me lëndime të rënda, ndërkohë që ”Shuplaka” mëson se në konflikt janë përfshirë 2 punonjës të Shoqërisë Private të parkimit të mjeteve ”TIS-PARK”.
Sherri ka nisur kur Alikaj u ka kërkuar punonjësve t’i shpjegojnë se pse i kanë bllokuar gomat e mjetit që drejtonte dhe ka kërkuar ardhjen e përgjegjësve të punonjësve, por ata nuk i janë përgjigjur. Njëri prej tyre ka nisur ta godasë Alikajn, situatë që më pas ka dalë jashtë kontrollit. Sipas Alikajt i pari që e ka goditur ka qenë një prej punonjësve dhe më pas i gjithë grupi e ka shtrirë në tokë.
Ngjarja e ndodhur në 10:25 ka patur të përfshirë 2 punonjësit e kompanisë:
1- F.V., 50 vjeç,
2- Ç.V., 45 vjeç
Policia ka shoqëruar edhe shtetasin me iniciale H.D., 34 vjeç, banues në Vlorë, me të cilin po punohet për sqarimin e rrethanave të këtij konflikti. Po kështu efektivët e policisë po mbajnë në kontroll të plotë Alikajn shtruar në spital.
Edi Alikaj ka bërë disa punë vullnetare nëpërmjet kompanisë së tij të ndërtimit në Vlorë./SHUPLAKA
[ngg_images source=”galleries” container_ids=”73″ exclusions=”158,159,160,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post