Pas ndërtimit të parkut të lojërave për fëmijë në Liqenin Artificial të Tiranës, Bashkia vjen me një tjetër projekt. Shumë shpejt do të nisë ndërtimi i fushave të sportit, ku do të jenë të rinjtë e kryeqytetit ata që do iu gëzohen më shumë këtyre hapësirave. Fushat do të jenë me ndriçim, çka do të mundësojë që të rinjtë që praktikojnë këto sporte të mos kenë kushtëzime oraresh.
“Do të kemi mundësi që për herë të parë të akomodojmë edhe disa sporte të tjera, si regbi. Për të gjithë të apasionuarit pas futbollit, regbisë, basketbollit e volejbollit do të kenë po këto fusha, por të sistemuara, të ndriçuara, të përdorshme 24 orë në 7 ditët e javës, për t’u siguruar që Tirana është një qytet që fokusohet te sporti dhe shëndeti”, ka thënë ndër të tjera Veliaj.
Ai vuri theksin dhe te dobitë e aktiviteteve sportive në shëndetin e të rinjve dhe premtoi se këto fusha do të jenë shumë shpejt të hapura për të gjithë.
[ngg_images source=”galleries” container_ids=”74″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post