Blerina Doracaj u emërua sot si Drejtoresha e Përgjithshme e Zyrës së Regjistrimit të Pasurive të Paluajtshme.
Znj. Blerina Doracaj (Shtylla) është e diplomuar për Drejtësi. Doracaj nga viti 2015 – 2016 ka punuar si Këshilltare për Çështjet e Administratës Publike pranë Ministrit të Shtetit për Inovacionin dhe Administratën Publike, ku ka luajtur dhe rolin e koordinatores për reformën në Administratën Publike.
Nga korriku i 2015 e në vazhdim është Anëtare e Këshillit Bashkiak, Tiranë dhe Këshillit të Qarkut, Tiranë. Madje ka qenë edhe kryetare e forumit të gruas për Tiranën.
Mirëpo edhe bashkëshorti i saj nuk mbetet pas. Ai është Bledar Doracaj, drejtori i Përgjithshëm i Gjendjes Civile.
Doracaj është emëruar në këtë detyrë 4 vite më parë nga ish-ministri i Brendshëm Saimir Tahiri. Ai është gjithashtu jurist me profesion dhe i angazhuar politikisht pranë PS. Aktualisht, anëtar i Asamblesë Kombëtare të kësaj partie.
Çifti Doracaj kanë punuar gjatë fushatës së Partisë Demokratike dhe kanë qenë në listën e kandidatëve të PS-së në Tiranë. Bledari në 2009-ën, pavarësisht se nuk fitoi u emërua drejtor i Gjendjes Civile. Edhe Blerina ndoqi të njëjtën rrugë si ai. Ishte e 26-ta në listën e kandidatëve, nuk arriti të futej në Parlament por fitoi një post mjaft të rëndësishëm. (D.D/Shuplaka)
