Pasi drejtusit e mjeteve u njoftuan me masat e reja se policia rrugore po përdorim disa radarë të sofistikuar të cilët fotografojnë shkeljet e rregullave të të qarkullimit, kryesisht në autostradat e vendit.
Ditën e sotme sipas “TCH” në vetëm 4 orë në aksin Kavajë-Rrogozhinë ku është vendosur të mërkurën një prej radarëve, janë konstatuar mbi 40 shkelje të rregullave të qarkullimit, nga të cilat janë ndëshkuar me masë administrative 21 drejtues mjetesh, ndërsa për gati 19 të tjerë do të merret masa e pezullimit të lejes së drejtimit.
Po ashtu shkeljet e dokumentuara janë për shpejtësi tej normave të lejuara dhe parakalim të gabuar, që mbeten dy prej shkaqeve kryesore të aksidenteve të vend.
Ndërkohë që radarët në fjalë, sipas ekspertëve të Policisë Rrugore nuk do të jenë statikë, por do të vendosen në akse të ndryshme të vendit, ndërsa gjobat do t’i dërgohen me postë në banesë drejtuesit të mjetit, referuar të dhënave të sistemit të targave.
(S.SH/Shuplaka)
Discussion about this post