Mbrëmjen e djeshme shumë pranë gjimnazit “Partizani”, në rrugën “4 dëshmorët” në Tiranë u qëllua me armë zjarri ndaj një 28 vjeçari.
28-vjeçari i plagosur u identifikua fillimisht si Edison Delia, nga karta e identitetit që iu gjet në xhepin e tij. Por theksojmë që sipas burmimeve të “Shuplakës” fillimisht para policisë 28 vjeçari ka deklaruar se quhet Mishe dhe nga kjo kanë lindur dyshimet te policia. Mësohet se ai ka gërmëzuar emrin e tij shkurtimisht, nga Mishel në Mishe.
Emri Edison Delia nuk është i vërtetë dhe se karta e identitetit që iu gjet është fallco. Siç mëson “Shuplaka” është Mishel Manoku, aktori shqiptar, i cili ka luajtur në filmin “Saimir”, si djali i Xhevdet Ferrit.
Manoku ka qenë i dënuar nga gjykata për për plagosje dhe kundërshtim të forcave të policisë dhe nuk kishte vetëm dy muaj që kishte dalë nga burgu. Ai ka vuajur 4 vite dënim.
Theksojmë që pas plagosjes se tij kanë qenë kalimtarët ata që e kanë çuar në spital. Mësohet se policia mbërrti në vendngjarje me 15 minuta vonesë dhe nëse do të ishte pritur ambulanca gjendja e tij do të përkeqësohej akoma më shumë.
Sipas dëshmitarëve autori ka qëlluar nga mesi dhe poshtë drejt 28 vjeçarit. Sipas dyshimeve të para ai ka dashur thjesht ta trembë 28 vjeçarin por ka gjuajtur ndaj tij 4 herë, 1 plumb në bark dhe tre në këmbë.
Konfliket e mundshme që mund të ketë pasur në të kalurën janë edhe pista kryesore ku po hetohet.
Policia ka ngritur pika kontrolli në hyrje dalje të kryeqytetit për kapjen e autorëve.
DETAJE:
Më datë 20.07.2017, rreth orës 21:11, në numrin e Emergjencave 112, ka ardhur telefonatë për të shtëna me armë në afërsi të gjimnazit “Partizani”. Në vendngjarje kanë mbërritur shërbimet e policisë dhe ambulanca. Nga verifikimet paraprake ka rezultuar se në rrugën “4 Dëshmorët”, është gjendur një shtetas i shtrirë dhe i gjakosur i cili është transportuar në spitalin “Ushtarak”, ku ndodhet nën kujdesin e mjekëve. Në vendin e ngjarjes janë sekuestruar gëzhoja të qitura nga armë e llojit pistoletë. (J.V/Shuplaka)
Discussion about this post