Andrea Stefani, gazetari dhe analisti i njohur u nda dje nga jeta, për shkak të një sëmundje të rëndë, të cilës edhe pse u mundua nuk arriti ta kurojë. Jeta e tij u ndërpre në moshën 58 vjeçare duke lënë pas dy fëmijë, ende të parritur mirë dhe bashkëshorten e tij.
Jemi mësuar ta shohim shpesh nëpër debatet televizive, por kush ishte Andrea Stefani?
Stefani prej rreth 20 vjetësh punoi si gazetar dhe opinionist në organe të ndryshme të medias shqiptare. Ai u bë i njohur për qëndrimet dhe pikëpamjet jo konformiste me pushtetet e radhës në Shqipëri. Dimensionit të tij si gazetar i bashkangjitet edhe aktivizmi i theksuar veçanërisht në përpjekjet qytetare kundër korrupsionit dhe dominimit autoritarist të shtetit.
Andrea Stefani i përket brezit të gazetarëve shqiptarë të viteve 1990. Ai e nisi karrierën në viin 1989 si gazetar i gazetës “Puna”. Më pas vazhdoi si gazetar i lirë, aq sa në vitin 1993 ai ishte në ekipin e parë të Gazeta Shqiptare. Më pas Stefani kaloi tek gazeta “Rilindja” të Kosovës që botohej në Tiranë.
Stefani ka qenë kryeredaktori themelues i së përditshmes “Shekulli” dhe për shumë vjet drejtues i programit investigativ antikorrupsion “Hapur”. Gazetari Stefani punoi edhe në gazetat “Shqip” dhe “Dita”.
Për më shumë se 10 vjet ai ishte mjaft i pranishëm në debatet e përjavshme televizive.
Ndërkohë që Andrea Stefani është edhe autor i librit publicistik “Albanistan”.
Discussion about this post