Hetimi tatimor ka reaguar pas akuzave në rrjetet sociale që moderatori Arbër Çepani bëri ndaj tyre, ku sipas tij gjatë një kontrolli në biznesin e tij, inspektorët kanë terrorizuar punonjësit dhe i kanë sekuestruar Pc dhe mallin që kishte në ambjentet e lokalit.
“Me arrogancën dhe injorancën që karakterizon militantucët e partive, këta të “dërguarit tatimorë” pasi hyjnë në biznesin që unë drejtoj “Komitetin” dhe kontrollojnë për fatura tatimore tavolinat dhe nuk gjejnë asnjë parregullësi, marrim guximin në pronën time që e kam ngritur me djersë, duke punuar nga ora 6 e mëngjesit dhe deri në 2 të natës, të sekuestrojnë Pc dhe mallin që kisha në ambjentet e lokalit duke më bllokuar të gjithë punën!”– shkruante Arbri.
Nga burime konfidenciale për Fax News, punonjësit e hetimit tatimor bëjnë të ditur se subjektit me tatim pagues Arbër Çepanin ju gjend mbi banak printer jo fiskal i cili printonte bileta jo fiskale me vlerë dhe ja shërbente klienteve, për këtë arsye u be sekuestrimi i pajisjes dhe konfiskimi i mallrave siç e parashikon ligji.
“Subjekti me nipt: L64722002L në emër të tatim paguesit Arbër Çepani ju gjend mbi banak printer jo fiskal i cili printonte bileta jo fiskale me vlerë dhe ja shërbente klienteve, për këtë arsye u be sekuestrimi i pajisjes dhe konfiskimi i mallrave siç e parashikon ligji. Madje punonjesit ishin koshient dhe të sjellshëm.”– thuhet në sqarimin e hetimit tatimor.
(M.Q/Faxweb.al)
Discussion about this post