Kush janë tre të arrestuarit për grabitjen e prokurorisë në Durrës (EMRAT)

Policia e Durrësit ka ndaluar tre autorët e dyshuar për vjedhjen e zyrave të Prokurorisë në Durrës. Kështua policia ka bërë të mundur ekzekutimin e urdhërave të  ndalimit të Prokurorisë për shtetasit:

• Nias Lena 56 vjeç, banues në Durrës, roje private, i caktuar me shërbim në orarin kur janë vjedhur  zyrat e Prokurorisë;
• Artur Isa 49 vjeç, banues në Sukth i Ri Durrës, me precedentë penalë të mëparshëm.
• Besnik Bushi  54 vjeç, banues në  Durrrës, me precedentë penalë të mëparshëm.

Dy shtetasit e mësipërm A.Isa dhe B.Bushi në bashkëpunim me njëri-tjetrin dyshohet se janë autorë të vjedhjes së zyrave të Prokurorisë Durrës. Dyshohet se këta dy shtetas janë përdorur nga persoan të tjerë për të ndërhyrë në serverat e prokurorisë.

Ata dyshohet  kanë hyrë në zyrat e prokurorisë dhe kanë vjedhur, dëmtuar dokumentet dhe kanë ndërhyrë në sistemin kompjuterik.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale:

• “Shpërdorimi i detyrës” në ngarkim të shtetasit Nias Lena parashikuar në nenin 248 të Kodit Penal.
• ” Ndërhyrja në sistemet kompjuterike” dhe “Zhdukja ose humbja e fashikullit” në bashkëpunim në ngarkim të shtetasve A.Isa dhe B.Bushi parashikuar në nenet 293/c/2 dhe 313/a , 25 të Kodit Penal.