Dy aktorët e njohur shqiptar, Jul Deda dhe Gentian Zenelaj, kanë qenë të pandarë që në fillim të karrierës së tyre. Ata ishin miq të ngushtë, mirëpo pas largimit të Gentit nga spektakli ‘Apartamenti 2xl’ marrëdhënia e tyre u ftoh dhe u përfol se miqësia e tyre nuk përfundoi shumë mirë.
Julian Deda i ftuar në ‘Xing me Ermalin’ e pohoi se ai dhe Genti nuk ishin më miq dhe tregoi se as vetë ai nuk e dinte arsyen se përse u prish miqësia e tyre, pasi nuk ka pasur një sherr, por thjesht ata nuk kanë komunikuar më.
Mirëpo së fundmi Genti ka qenë i ftuar në emisionin ‘Thumb’ ku dhe ka rrëfyer arsyet e sherrit të tij me Julian Dedën dhe largimin jo të mirë nga Vizion Plus.
“Me Julin është hatërmbetje, të mërzit më shumë një njëri që e ke dashur shumë fort sesa një njëri që s’është askush në jetën tënde. Le të ngelemi miq, këtë kam thënë kur kam ikur nga Vizion Plus dhe mu tha atëherë ‘o me ne o me ata’, unë shkova me ata, pastaj këta erdhën me këta”, tregoi Genti duke qeshur.
Discussion about this post