Në seancën e sotme Kuvendi miratoi me 72 vota pro projektligjin “Për arsimin dhe formimin profesional”.
Vetëm dy persona votuan kundër këtij projektligji, një prej të cilave është edhe deputetja Kejdi Mehmetaj.
“Votimi ose jo i këtij ligji nuk përbën ndonjë ndryshim thelbësor. I bëj thirrje kolegëve ta trajtojnë me seriozitet arsimin në përgjithësi dhe atë profesional në veçanti, të rrisim investimet, pasi sot që flasim Shqipëria mund të jetë vendi i fundit në rajon sa i takon shpenzimeve për arsimin”, tha Mehmetaj.
Ndërkohë, të tjera vendime u morën gjatë seancës së sotme, ku u miratuan: ndryshimet dhe shtesat në ligjin “Për rivlerësimin e pasurive të paluajtshme”; ndryshimi në Dekretin “Për emetimin dhe shpërndarjen e bonove të privatizimit, si dhe ndryshimet në ligjin “Për pronësinë industriale”.
Kujtojmë se opozita sërish nuk mori pjesë në votim, këtë radhë për shkak të vendimit të Byrosë për përjashtimin me 10 ditë të Flamur Nokës, i cili u konflikktua me deputetin Erion Braçe. (D.D/Shuplaka)
