SPAK ka dhënë detajet për megaoperacionin në Frakull të Fierit ku është gjetur një laborator kokaine, në banesën e ish-kryekomunarit të Frakull, Viktor Cervanaku.
Prokurori Adnan Xholi tha se janë 430 kg kokainë e sekuestruar dhe që kapte vlerën e 40 mln eurove. Dyshohet se lënda narkotike e fshehur mes plehut kimik është nisur prej muajit nga porti i Kolumbisë dhe do të shkonte më pas në Pire dhe Mal të Zi. Një prej prokurorëve tha se një ndër financuesit të kësaj sasie të madhe droge është arrestuar.
“Kemi regjistruar që në fund të korrikut veprën penale për trafik të lëndëve narkotike. Ky procedim është hetuar në bashkëpunim të ngushtë me policinë e shtetit, BKH dhe disa agjenci të huaja ndërkombëtare dhe në bashkëpunim të ngushtë me autoritetet malazeze të drejtësisë.
Ekzistonin të dhëna se në maj 2022 në portin e Kolumbisë ishite ngarkuar një ngarkesë me pleh kimik, që do të shkonte në Pire Greqi dhe më pas në Mal të Zi i porositur nga një shtetas shqiptar.
Kanë vijuar hetimet dhe nga verifikimi që kanë bërë autoritetet shqiptare rezultoi se porositës i mallit ishte një shtetas shqiptar që kishte hapur një aktivitet tregtar në Shqipëri në 2022.
Pasi sasia me pleh ka mbërritur në Shqipëri janë kryer veprimet doganore.
U pa e udhës që të mos ndaleshin vetëm te porositësi, por dhe të organizatorët, bashkëpunëtorët. Nga ana e GJKKO janë autorizuar dhe janë pranuar kërkesat tona për arrestimin e 4 persona.
10 masa sigurimi janë ekzekutuar dhe 14 për kontrolle.
Janë sekuestruar 15 mijë euro, 3 automatik, 3 pistoleta, 108 fishekë, 18 aparate celularë, 5 automjete, 20 paleta me 24 ton pleh artificial, brenda të cilit 430 kg kokainë, me vlerë 40 mln euro’- u shpreh ai.