LAJM I FUNDIT/ Shpëtohen dy personat e bllokuar në Vlorë, operacioni përfundon me sukses

Burrë e grua, të cilët ndodheshin prej disa orësh të bllokuar në lumin e Shushicës janë shpëtuar.

Fax News raporton se operacioni u zhvillua me gomone e cila çau rrjedhën e lumit dhe u bë e mundur që njerëzit e bllokuar të nxirreshin nga uji.

Ministria e Mbrojtjes dërgoi më parë një helikopter por për shkak se helikopteri krijon dallgë me helikën etij, nuk u bë e mundur shpëtimi i njerëzve.

Mjetin me tre persona e mori rrjedha e lumit Vjosë në qytetin e Vlorës. Ngjarja ndodhi në Selenicë në zonën e quajtur Bishti i Malit.

Reshjet e dendura të shiut kanë bërë që lumenjtë të dalin nga shtrati dhe të rrëmbejnë çfarë gjejnë përpara.

(F.M/Faxweb)

https://www.youtube.com/watch?v=glcVo7XxE7g&feature=youtu.be

https://www.youtube.com/watch?v=DduIRD6vUzE&feature=youtu.be