Aksident i rëndë në ‘Rrugën e Kombit’, 1 i vdekur 2 të plagosur

Një aksident i rëndë ka ndodhur ditën e sotme në aksin rrugor Tuneli Kalimashit –Kukës.

Sipas informacioneve paraprake bëhet me dije se si pasojë e aksidentit drejtuesi i mjetit, shtetasi me iniciale P.M  ka vdekur ndërkohë që dy të tjerë me iniciale H.D dhe E.H janë të plagosur rëndë.

Makina tip ‘Opel’ pretendohet të ketë humbur drejtimin dhe të ketë dalë nga rruga duke shkaktuar kësht një bilanc me 1 viktimë dhe 2 të plagosur rëndë.

Ndërkohë që të plagosurit janë nisur me urgjencë drejtë Spitalit të Trumës në Tiranë, grupi hetimor është duke punuar për zbardhjen e plotë të shkaqeve.

Informacion paraprak.

Më datë 18.06.2019, në aksin rrugor Kukës-Morin, shtetasi P.M., banues në Fushë-Krujë, duke drejtuar mjetin tip “Opel, ka humbur kontrollin e mjetit, ku për pasojë ka dalë nga rruga.

Për pasojë ka gjetur vdekjen drejtuesi i mjetit shtetasi P.M., si dhe janë plagosur rëndë dy pasagjerët, shtetasit H.D., dhe E.H., të dy banues në Fushë-Krujë.

Të plagosurit pasi kanë marrë mjekim në spitalin e Kukësit, po dërgohen për mjekim më të specializuar në spitalin e Tiranës.

Grupi hetimor dhe Policia Rrugore e autostradës, po punojnë për shkaqet e aksidentit dhe dokumentimin e ngjarjes.

(s.a/faxweb.al)