Gjykata e apelit të Tiranës ka lënë masën arrest me burg Ervis Martinajn, për shkak se ka qenë i përfshirë në masakrën në Bllok, ku një person mbeti i vrarë dhe tre të tjerë u plagosën.
Avokati i Martinajt është shprehur kundër këtij vendimi të marrë pak minuta më parë nga Gjykata.
Sipas avokatit nuk ka prova që ta lidhin Martinajn me ngjarjen. “Ervis Martinaj nuk ka pasur armë dhe nuk është person i përfshirë në ngjarje”, tha Mirash Martini, duke iu qëndruar deklaratave të bëra më herët edhe nëpër studiot televizive.
Gjykata e Apelit ka marrë të njëjtin vendim edhe për Eljon Haton, i cili ndodhet ende në spital për shkak të plagëve të marra. Ai do të qëndrojë në burg deri në një vendim të dytë nga ana e Gjykatës.
Jo më larg se dje u arrestua nga ana e Policisë dhe pronari i lokalit Monopol ku ndodhi përplasja me armë, Redi Popescu. Ai dyshohet se ka ndihmuar Martinajn që të fshehë provat, duke ndihmuar që ai të largojë armën nga lokali.
Pas ngjarjes Martinaj i kaloi disa ditë në spital për shkak të plagëve të marra, ndërsa tashmë është zhvendosur në burg.
(E.K/FAXWEB.AL)
