Është ekstraduar nga Kosova Indrit Taullai, 46 vjeç, banues në Durrës, i cili akuzohet për dy vrasje të ndodhura në Shkurtin e 2005-ës, Vajdin Lames dhe Klodian Saliut.
SPAK e akuzon Taullaun si një nga organizatorët e dy atentateve të bujshme që tronditën Tiranën në vitin 2005. Ai i arrestua në një qendër tregtare në Prizren pas urdhër-arrestit të lëshuar nga SPAK dhe të ekzekutuar nga Interpoli, ndërkohë që u lirua nga burgu më herët në një vendim të dyshimtë të gjyqtares së Krujës Enkelejda Hoxha.
‘Ky shtetas ishte shpallur në kërkim, pasi Gjykata e Posaçme e Shkallës së Parë për Korrupsionin dhe Krimin e Organizuar Tiranë, me vendimin penal të datës 02.12.2020, i ka vendosur masën “Arrest në burg” për konsumimin e veprave penale “Vrasja me paramendim e kryer në bashkëpunim në formën e grupit të strukturuar kriminal”, “Mbajtja e paligjshme e armëve të zjarrit, me pasoja të rënda”, “Grupi i strukturuar kriminal”, “Vrasja në rrethana të tjera specifike ndaj dy ose më shumë personave, kryer në bashkëpunim në formën e grupit të strukturuar kriminal””, njofton Policia e Tiranës.
Për vrasjen e Lamajt dhe Saliut akuzohen dhe Lulzim Berisha, Emiljano Shullazi, Viktor Imeraj, Luftar Reci dhe Indrit Rusi. Të gjithë këta persona përfshirë dhe bashkëpuntorin e prokurorisë SPAK, Luftar Reçin, akuzohen si ideatorët dhe autorët e vrasjes së Klodian Saliut dhe Vajdin Lames.
Për këto dy ngjarje u arrestua në Dubai si i impikuar Plaurent Dervishaj, i cili sapo kishte hipur në një avion Charter dhe ndodhej në pistë gati për fluturim. I vetmi person që është në kërkim për dy vrasjet e bujshme vazhdon të jetë Lul Berisha.
Për Plarent Dervishajn kunatin e ish-kreut të bandës së Durrësit Lulzim Berisha, nuk ka ende një përgjigje nga autoritetet në Dubai, sepse shqipëria nuk ka marrëveshje ekstradimi me këtë vend.
Prokuroria e Posaçme Antikorrupsion (SPAK) ka njoftuar zbardhjen e atentateve të 15 viteve më parë ku mbetën të vrarë Klodian Saliu, i njohur si rivali i Lulzim Berishës dhe biznesmeni Vajdin Lamaj, ish zëvendëspresident i Federatës së Mundjes.
Më konkretisht bëhet fjalë për ngjarjen e ndodhur në datën 26 shkurt 2005, ku në segmentin rrugor Durrës-Maminas, në afërsi të fshatit Koxhaj është vrarë me armë zjarri shtetasi Klodian Saliu, i cili po lëvizte me autoveturën e tij tip “Mercedes Benz”.
Ngjarja e dytë ka ndodhur një ditë më pas, ku rreth orës 23:50, si pasojë e një shpërthimi me lëndë plasëse në ashensorin e pallatit u vra biznesmeni Vajdin Lame dhe miku i tij Artan Arsi. Hetimet e procedimeve të regjistruara për këto dy ngjarje ishin pezulluar për moszbulim të autorëve.
Prokuroria e Posaçme ka rifilluar hetimet e këtyre procedimeve dhe pas regjistrimit të tyre i ka bashkuar në një të vetëm duke gjetur prova për kapjen e autorëve. Në qeli ku ndodhet nën hetim për disa akuza, i është komunikuar masa e arresit me burg, shtetasit Emiliano Shullazi si dhe Viktor Ymerit, i cili është arrestuar në Vlorë.
Po ashtu në Kosovë u ndalua në datën 7 dhjetor i është komunikuar masa e arrestit Indrit Taullait, i cili sot u nis drejt Shqipërisë. I vetmi që ndodhet ende në liri nga të dyshuarit është Lul Berisha, ish-kreu i Bandës së Durrësit. (E.K/Faxweb.al)
Discussion about this post