Ministria e Infrastrukturës dhe Energjisë në Greqi ka informuar qytetarët se duke filluar nga data 15 qershor 2020do të rinisin udhëtimet e rregullta Tiranë-Athinë dhe Athinë-Tiranë.
Vendimet e marra nga të Qeveritë e të dy vendeve për rinisjen e fluturimeve parashikon edhe zbatimin e protokolleve të rrepta të sigurisë kunds Covid, të miratuara nga autoritetet e Shëndetit Publik.
Njohja paraprake me këto protokolle dhe zbatimi me përpikëri i tyre nga të gjithë pasagjerët, sipas MIE jo vetëm do të rrisë sigurinë, duke frenuar përhapjen e infeksionit COVID-19, por njëkohësisht do të lehtësojë ndjeshëm të gjithë procedurat që do të ndiqen në aeroportet respektive.
“Qeveria Shqiptare është në kontakt të vazhdueshëm me qeveritë e shteteve europiane, për të avancuar me procesin e hapjes së aeroporteve nga ana e tyre dhe Ministria e Infrastrukturës dhe Energjisë do të njoftojë në vijimësi për çdo vendim që lidhet me rinisjen e fluturimeve. U bëjmë thirrje qytetarëve që përpara çdo udhëtimi jashtë vendit të mirë informohen lidhur me protokollet e sigurisë, të hartuara nga vendet ku ata do të udhëtojë dhe që janë të detyrueshme për t’u zbatuar nga të gjithë udhëtarët”, deklaron MIE.
Discussion about this post