LAJM I FUNDIT/ Prokurori i ri i Përgjithshëm, procesi i përzgjedhjes sërish në ngërç

Procesi i përzgjedhjes së Prokurorit të ri të Përgjithshëm ka stopuar sërish, pas kërkesës së sotme që disa anëtarë të KLP-kishin në lidhje me disa dokumente shtesë për miratimin e metodologjisë që do përdoret.

Në mbledhjen e sotme të KLP-së një nga pikat e rendit të ditës ishte dhe miratimi i Metodologjisë për Vlerësimin dhe Caktimin e Pikëve për Renditjen e Kandidatëve për Prokuror të Përgjithshëm, por disa nga anëtarët kanë kërkuar info shtesë për këtë procedurë duke e shtyrë sërish përzgjedhjen e Prokurorit të ri të Përgjithshëm i cili ishte parashikuar të zgjidhej para shtatorit.

Pas miratimit të kësaj metodologjie do të përcaktoheshin pikët për çdo kandidat për Prokuror të Përgjithshëm, renditje e cila do t’i dërgohet Kuvendit. Ky i fundit duhet të miratojë me 84 vota prokurorin e ri. Në garë për këtë post është Arta Marku, aktualisht Prokurore e Përkohshme e Përgjithshme, Olsian Çelaj dhe Fatjona Memçaj.