Vijon dominimi i motit të kthjellët në Jug dhe zonat Qendrore, por kthjellime dhe vranësira të shpeshta do të ketë në zonat Veriore dhe Verilindore të vendit. Sipas “Meteoalb” fundjava sjell rritje graduale të temperaturave në territor ndërsa rritje të ndjeshme sjell dita e hënë në të dy ekstremumet termike ditore.
Temperaturat e ajrit mbeten konstante në mëngjes, por rritje me 2-3°C do pësojnë vlerat termike të mesditës duke e ngjitur maksimumin në 13°C.
MOTI FUNDJAVA:
Shqipëria mbetet me kthjellime dhe vranësira kalimtare më të shpeshta në zonat veriore duke rrezikuar nga reshje të pakta dhe të izoluara dëbore. Edhe dita e hënë, vijon me kthjellime dhe vranësira të shpeshta në territor, më të dukshme në Veri – Qendër ndërsa mesjava që vjen sjell reshje të konsiderueshme në pjesën më të madhe të Shqipërisë por kryesisht shira. Temperaturat kanë vijuar të ulëta deri mesditën e sotme kur është shënuar një rritje me 2 – 3°C; edhe fundjava sjell rritje graduale të temperaturave në territor ndërsa rritje të ndjeshme sjell dita e hënë në të dy ekstremumet termike ditore. Rrjedhimisht, temperaturat e mëngjesit do variojnë nga -2 në 3°C në zonat malore; në 4 – 7°C mëngjesi në bregdet dhe zonat e ulëta ndërsa mesdita e së hënës do të ngjisë maksimumet termike në 8 – 9°C në zonat malore dhe mbi 15°C, në zonat e ulëta dhe bregdetare. (J.V/Faxweb)
