Pak orë më parë ‘Shuplaka’ publikoi lajmin se në Liqenin e Pogradecit derdheshin ujërat e zeza dhe të ndotura të bizneseve ka reaguar ministria e Mjedisit.
Ministria dhe Inspektoriati Shtetëror i Mjedisit dhe i Pyjeve seklaron se ata kanë bërë menjëherë verifikimet e rastit në terren.
Sipas Ministrisë ”për mungesë të energjisë nga defekti i fidrit nr.9 nuk është bërë trajtimi i plotë i ujërave të përdorura, (biologjikë dhe kimikë) për rreth 22 orë, por pa ndikim negativ në mjedis”.
NJOFTIMI I MINISTRISË SË MJEDISIT:
Referuar lajmit të publikuar online mbi derdhjen e ujërave të zeza në liqenin e Ohrit në Pogradec. Inspektoriati Shtetëror i Mjedisit dhe i Pyjeve sqaron se menjëherë pas denoncimit në publik ka kryer inspektimin në liqenin e Ohrit.
Nga ky inspektim është konstatuar nga inxhineri Albert Tavanxhiu, se gjatë ditës së martë, dt 18 prill 2017 për mungesë të energjisë nga defekti i fidrit nr.9 nuk është bërë trajtimi i plotë i ujërave të përdorura, (biologjikë dhe kimikë) për rreth 22 orë, por pa ndikim negativ në mjedis. Pas riparimit të defektit të energjisë cdo proces i trajtimit është bërë normal.
Për këtë defekt në fidrin 9, OSSHE ka mbajtur procesverbal. ISHMP thekson se vijon sistematikisht punen në të tërë vendin duke ushtruar të gjitha kompetencat e saj ligjore për të garantuar një mjedis të pastër dhe të shëndetshëm për qytetarët shqiptarë. (E.K/SHUPLAKA)
Discussion about this post