Pak orë pas vendimit të Gjykatës së Lartë, e cila pranoi sot kërkesën për lirimin me kusht të Indrit Taullait, ai ka lënë qelinë e burgut.
Pas Lulzim Berishës, një tjetër drejtues i bandës së Durrësit ka lënë qelinë për arsye shëndetësore.
Vendimi i sotëm i Gjykatës së Lartë erdhi pas kërkesës së Taullait, pasi vuan nga sëmundje e rëndë, dhe se duhet të trajtohet në kushte spitalore jashtë ambienteve të burgut, shkruan BW.
Pjesëtari të “Bandës së Durrësit”, Indrit Taullai i shpëtoi dënimit me “burg përjetë”, pas rekursit në Gjykatën e Lartë, e cila e transferoi atë në burgun e sigurisë së zakonshme në Durrës, prej nga ku edhe la qelinë disa orë më pas.
Taullai, i cili tashmë është dënuar nga gjykata me 25 vite burg, akuzohet për disa vepra penale.
“Banda Durrësit”, ku ai bënte pjesë ka nisur të veprojë prej vitit 1998, kur Lulzim Berisha, i cili gjithashtu është në liri me kusht, në bashkëpunim me Plaurent Dervishaj, Adriatik Colin, Klodian Saliun dhe Ilir Xhungën vranë me armë zjarri Dritan Sallakun.
(M.D/Shuplaka)
