Një shqiptar që qëndronte në Angli ilegalisht është arrestuar nga policia, pasi ai kishte tentuar të takohej me dy vajza të mitura për seks.
Daily Mail, shkruan se Eduart Matranxhi mendonte që do takonte në Sunderland, më 30 korrik, dy vajza të mitura, 14-vjeçare, Laura dhe Louise të cilat i kishte joshur virtualisht.
Mirëpo të riut i është ngritur kurth nga një rrjet i specializuar për të kapur pedofilët. Matranxhi mendonte se po komunikonte realisht me dy vajza 14 vjeçare që ishin të gatshme të kryenin marrëdhënie seksuale me të, por ka në grackën e policëve, të cilët e arrestuan në vendin ku do takohej me vajzat. Madje edhe e kanë filmuar atë.
I riu shqiptar ka deklaruar për policët se nuk e dinte moshën e vajzave, mirëpo këta i kanë zbuluar mesazhet, ku shkruante: “Jeni të sigurta që doni të bëni seks, jeni vetëm 14 vjeç. Unë mund të futem në burg për këtë”.
Shqiptari është dënuar me 12 vite burg dhe rrezikon të ekstradohet. Sipas avokatit të tij, Matranxhi vërtet ka hyrë ilegalisht në Angli por me qëllimin e vetëm që të punojë, madje e ka cilësuar të parrezikshëm, por gjykata nuk ka menduar kështu. (D.D/Shuplaka)
Discussion about this post