Deputeti Saimir Korreshi ka deklaruar mbrëmjen e sotme nga salla e kuvendit se fermerët e Lushnjes i kishin dhënë një palë çizme dhuratë për Ministren e Bujqësisë por që garda nuk e kishte lejuar t’i fuste brenda.
Edhe njëherë tjetër, deputeti i Lushnjes e shoqeroi fjalën e tij në parlament me batuta, ndonëse mbrëmjen e sotme ishin më pak sesa herë të tjera.
“Një hartë gjyqësore që sot po centralizohet për ta pasur në kontroll. Dihet që proceset gjyqësore nuk zgjidhen brenda ditës. Krijohet kaos. Drejtesi e vonuar është drejtësi e munguar. Do katër vjet të dali ccështja po të jesh me fat. I bëjmë thirrje dhe deputetëve të PS duhet të dëgjojnë më tëper mendimin e qytetarëve të Lushnjes. Kisha edhe një shqetësim tjetër me bujqësinë. Disa fermerë më kanë ngritur disa probleme. Më kishin bërë dhuratë për ministren një palë çizme, por garda s’më lejoi. Në rast se të bie rruga ka dy probleme, e gjithë zona aty kanë të njëjtin problem, në vlerësimin e situatës për domaten “ozgan f1”. Sipas ministrisë ka defekte në teknologji keni thënë, ky konkluzion nuk qëndron. Në të njëjtën serë janë mbjellë dy hibride dhe vetëm ozgan f1 nuk ka prodhim. Hormoni deformon frutin, por jo të mos japë prodhim. E mira është të verifikohej fara. Rasti tjetër me një skemë piramidë të një sipërmarrësi, i cili ka gënjyer të gjithë feremerët. Ka marrë një fond nga ministria për të bërë një magazinë për grumbullimin e perimeve. Në dijeninë time siç thonë fermerët nuk nuk është realizuar, por lekët janë rruajtur, si gjithmonë. Tani, ky zotëria farën ua serviriri, lekët i mori, u lidh edhe kontratat pa noter se shalqirin do ua merrte. Bëri dhe panair shalqiri në Lushnje, në fund opinga se i gjithë ngeli në arë. Ministrja është e mirë të vijë,” -u shpreh Korreshi
(E.H/Faxweb.al)
