Ismail Kadare shkrimtari i madh shqiptar u pozicionua kundër fyerjes së ambasadores së BE-së Romana Vlahuttin. Ai në një letër drejtuar saj i shprehte gjithë keqardhjen për fyerjet që i janë bërë.
Mirëpo kjo letër është pritur jo mirë në rradhët e shqiptarëve, ose të pkatën një pjese të tyre. Të ndarë në qëndrime kanë qenë dhe të ftuarit në emisionin ‘’Opinion’’ mbrëmjen e djeshme.
Arbi Mazniku tha se “shkrimtari ka çmuar dhe ka treguar një gjest moral pasi fyerjet ndaj ambasadores u publikuan në media. Është më se e arsyeshme”, vijoi ai argumentat në studion e Opinion, duke shtuar se “Ismail Kadare ka ndërhyrë në momente kyçe e situata krize të vështira”.
Ndërsa Fahri Balliu vijoi e akuzat ndaj Vlahutin duke refuzuar të përdorë fjalën fyese të Myftarajt, por duke e quajtur “magjistricë” ambasadoren e BE.
Ndërsa Ylli Manjani tha se ne nuk mund të gjykojmë një burrë të madh si Kadare duke mos e hedhur poshtë letrën për Vlahutin. Sipas tij, Kadare ka kërkuar ta shesë popullin shqiptar si europian.
“Nuk është faji i tij që BE është mbushur me Romana, Tanja, etj. Ne për sa kohë kemi trokitur në BE duhet ti ulemi edhe në gjunjë”, u shpreh Manjani. Ai nuk përjashtoi mundësinë se ambasdorët kanë vepruar edhe në mënyrë të njëanshme në Shqipëri. Sipas tij, SHBA, BE, etj. nuk e kanë mendjen tek Shqipëria, ndaj shumë mirë që kemi Kadarenë që na mbron.
Po kështu edhe Blendi Salaj tha se “ai është kalorsiak ndaj ka përmendur shprehjen e uljes në gjunjë”.
Ndërsa Ergys Mertiraj nuk ishte dakord duke thënë se Romana Vlahutin nuk është figurë kaq e dashur në Shqipëri dhe ka mëri ndaj saj. (E.K/SHUPLAKA)
Discussion about this post