Kryetari i LIBRA-s, Ben Blushi, ka prezantuar mëngjesin e sotëm planin e partisë së tij për të përmirësuar jetën e 1 milionë të varfërve dhe pensionistëve.
Ai është ndalur tek ushqimet bazë, të cilat Europa i tregton më lirë, ndërkohë që në Shqipëri paguhet më shumë për t’u ushqyer krahasuar me vendet e tjera.
Blushi premton reduktim deri në 5% tvsh mbi ushqimet bazë, të cilat do të jenë të paktën 15% më lirë se sot.
“LIBRA 5% TVSH PER USHQIMET
Gjithë Europa i tregton më lirë ushqimet bazë për të lehtësuar cmimet për popujt e tyre. Kjo tabelë dëshmon se sa shumë paguajmë për tu ushqyer në krahasim me vendet e tjera për shkak të taksave mbi ushqimin apo tvsh. LIBRA ka vendosur ta ndjekë këtë trend europian duke e reduktuar deri në 5 % tvsh mbi ushqimet bazë si miell, sheqer, qumësht, vaj, etj, të cilat do jenë të paktën 15% më lirë se sot duke ndikuar direkt ne cilësinë e jetës së 1milion të varfërve dhe pensionistëve si dhe në rritjen e konsumit. LIBRA ËSHTË RRUGA E RE.”, shkruan kryetari i LIBRA-s, Ben Blushi.
(XH.A/SHUPLAKA)
