Në prangat e policisë së Tropojës kanë rënë dy persona pasi dyshohet se janë autor të një vjedhje me dhunë në fshatin Dunish e cila ka ndodhur në 24 janar të këtij viti.
“Më datë 09.06.2017, Efektivat e Komisariatit të Policisë Tropojë, bënë ekzekutimin e urdhërit të ndalimit për shtetasit të shpallur në kërkim Rifat Dunisha, 28 vjeç dhe Junik Hasanaj, 22 vjeç, të dy banues në Durrës”, sqaron policia.
Më tej ajo shton se dy personat dyshohen si autorët e vjedhjes me dhunë, në banesën e shtetasit Z.D.
“Më datë 24.01.2017, shtetasit e lartë përmendur në bashkëpunim me shtetasin, B.Dunisha, 18 vjeç, banues në Durrës, i ndaluar më datë 08.06.2017, dyshohen si autorët e vjedhjes me dhunë, në banesën e shtetasit Z.D., banues në fshatin Dunish, ku i kanë lidhur dy të moshuarit që jetonin.”, bën me dije policia. (J.V/Shuplaka)
