Gjykata Kushtetuese ka vendosur ditën e enjte si ditën në të cilën do të diskutohet për ligjin e Vettingut. Në një mbledhje të ditës së sotme 8 anëtarët e Gjykatës Kushtetuese kanë marrë në dorë Opinionin e Venecias, të cilin do ta kalojnë në fazë rishqyrtimi.
Pasi të jetë diskutuar ligji, këta anëtarë do të duhet të kenë një vendim përfundimtar në lidhje me këtë ligj, duke iu referuar edhe vërejtjeve nga Komisioni i Venecias. Ky është hap kyç në zbatimin e Reformës në Drejtësi, e cila prej kohësh ka mbetur peng i retorikës mes forcave politike.
Gjykata do të shprehet në lidhje me ankimimin e bërë nga Partia Demokratike se ky ligj cënon kushtetutën. (E.K/ SHUPLAKA)
Discussion about this post