Ministrja e Arsimit, Lindita Nikolla e ndodhur në Gjirokastër, ka zhvilluar disa takime me maturantë të shkollave të ndryshme. Nikolla inkurajoi maturantët që të zgjedhin lëndën e mësuesisë si preferencë të parë. Sipas Ministres së Arsimit, kjo degë ka punësim si dhe një stabilitet në treg.
Nikolla siguroi të rinjtë se mesatarja e tyre mbi 9 do t’i bëjë ata përfitues të bursave, që do të mbulojnë tarifat e shkollimit.
Ministrja e Arsimit iu përgjigj edhe shqetësimeve për Maturën Shtetërore ku maturantët diskutuan për penalitetet, dhe kërkuan rishikimin e disa rregullave përsa i përket shenjave në fletë.
Nikolla ka zhvilluar edhe inspektime në shkolla të ndryshme të qarkut të Gjirokastrës, dhe takime me drejtorët e shkollave për shqetësimet e tyre dhe mbarëvajtjen e reformave. (E.V/Faxweb.al)
