Lirimi i Hashim Thaçit nga Gjykata e Colmarit është pritur me entuziazëm jo vetëm nga qytetarët e pranishëm përpara Gjykatës në Francë po nga gjithë shqiptaria.
Këtë vendim e ka përshëndetur dhe Presidenti i Kosovës Hashim Thaçi. Sipas tij në këtë mënyrë u hodhën poshtë të gjitha akuzat ndaj Ushtrisë Çlirimtare të Kosovës.
‘’Vendimi i Gjykatës së Colmar, që z. Haradinaj të kthehet në Kosovë është lajm i mirë për familjen Haradinaj, për bashkëpunëtorët e tij dhe gjithë Kosovën.
Edhe një herë u vërtetua që shpifjet e shërbimeve serbe kundër Ushtrisë Çlirimtare të Kosovës janë të paqëndrueshme dhe nuk përfillen nga bota demokratike’’, shkruan Thaçi në reagimin e tij.
Vetë Haradinaj pas përfundimit të seancës u shpreh se do të kthehet menjëherë në Kosovë.
“Të gjithëve ju që më keni mbështetur në këto ditë po të kisha mundësi do ju kisha marrë të gjithëve me vete në Kosovë. Bashkë i qëndrojmë të drejtës sonë. U refuzua kërkesa për ekstradim, jam i lirë. Do marr pasaportën e do kthehem në Kosovë.”, është shprehur ndër të tjera Haradinaj pas daljes nga gjykata.
Ai u ndalua më 4 janar në Basel të Francës, në urdhrin e një fletë-arresti lëshuar nga shteti serb. (E.K/SHUPLAKA)
