Prokuroria e Durrësit ka shpallur moskompetencën për lirimin me kusht të Lulzim Berishës. Mësohet se dosja e tij i ka kaluar Prokurorisë së Tiranës.
Do të jetë kjo prokurori që do të merret me hetimin e akteve të lirimit me kusht. Prokuroria e Durrësit dyshon se Berisha u lirua për shkak të shpërdorimit të detyrës.
“Lirimi me kusht i Berishës, rezultat i shpërdorimit të detyrës së gjyqtarëve të Durrësit. Të hetohet vendimmarrja e gjyqtarëve të Durrësit.”, citohet në shkresën e kësaj prokurorie.
Në mesi të Dhjetorit 2015, Prokuroria e Durrësit nisi një hetim për gjyqtarët që i dhanë lirinë Berishës. Me dyshimet për shpërdorim detyre, akuza e Durrësit nisi hetimet për mënyrën se si janë dhënë vendimet gjyqësore përfshi dhe vendimin e dt.5 dhjetor 2016 ku treshja e gjyqtarëve Arben Vrioni, Petrit Ceno dhe Anita Mici i dhanë lirinë ish-kreut të bandës së Durrësit. Prokuroria e Apelit Durrës ka dorëzuar edhe rekurs në Gjykatën e Lartë kundër vendimit të Gjykatës së Apelit Durrës që vendosi “lirim me kusht” për Lulzim Berishën. (XH.A/SHUPLAKA)
Discussion about this post