Ministri i Brendshëm Sandër Lleshaj gjatë interpelancës në Kuvend ditën e sotme me deputetët e opozitës në lidhje me situatën e krimit ne vend, foli edhe në lidhje me përcaktimet që i bëhen atij publikisht.
Lleshaj tha se është me gradën general dhe se këtë status e ka fituar me aftësitë e veta, nuk ja ka falur qeveria. Lleshaj shtoi se atje ku ka konkuruar ai nuk kanë shanse ato deputetë që të konkurojnë.
“Kapter është një gradë e lartë në ushtri, do kishit lodhje të madhe dhe nuk besoj se e arrinit se ka shumë standarde për t’u plotësuar. S’kam qenë kurrë kapter, kam qenë gjeneral. Gradat në ushtri, nuk i jep qeveria, i kam marrë vetë, se janë arritje profesionale. Unë kam qenë në Akademinë e Botës, ku ju edhe po të tentonit, nuk hynit dot”, i tha Lleshaj.
Discussion about this post