Një histori fatlume është ajo e Klajdi Qatos i cili është nxjerrë në orët e para të mëngjesit të sotëm nga rrënojat e Hotel Palmës në Durrës. 25-vjeçari qendroi për rreth 20 orë nën rrënoja, por qe në kontakt me ekipet e shpëtimit për orëtë tëra me radhë, derisa arriti të dilte me sukses prej aty.
I riu është djali i pronarit të hotelit të rrënuar nga tërmeti i fuqishëm që ndodhi rreth orës 4 të mëngjesit së të martës, me magnitudë 6.4 dhe me një intesitet që arrinte deri në 9 ballë.
I riu ka qëndruar përreth 20 orë nën rrënoja në zonën e Shkëmbit të Kavajës.
Nxjerrja e tij është pritur me lot gëzimi nga familjarët. I riu është fshehur nën krevat gjatë këtyre orëve, ndërsa më herët nga rrënojat e hotelit kishte dalë e gjallë gjyshja e tij, ndërsa gjyshi kishte ndërruar jetë, pak pasi u shpëtua nga ekipet e shpëtimit.
(E.K/Faxweb.al)
Discussion about this post