Lëvizja Rinore për Integrim zhvillon nesër një protestë në mbështetje të ish-kryeministrit të Kosovës, Ramush Haradinaj, i arrestuar më 4 janar në Francë në bazë të një urdhër-arresti të lëshuar nga Serbia në vitin 2004.
Protesta në fjalë nis në ora 12:00 dhe zhvillohet para Ambasadës Franceze në Tiranë.
“LRI në mbështetje të Lirisë!
Nesër në orën 12:00 tek Ambasada Franceze, BASHKË me përfaqësues të forumeve rinore, do të jemi të gjithë aty, për të protestuar në mënyrë paqësore në mbështetje dhe për të kërkuar lirimin e Z.Ramush Haradinaj!
Ju ftojmë të na bashkoheni për të ngritur zërin deri në lirimin e Z.Haradinaj!”, thuhet në njoftimin e LRI-së.
Një ditë më parë, vetë kreu i LSI-së Ilir Meta ishte në Kosovë, ku shprehu mbështetjen e tij dhe të forcës së tij politike kundrejt kreut të AAK-së Ramush Haradinaj.
Kjo është protesta e parë në Tiranë që zhvillohet për arrestimin e Haradinajt. Më herët janë zhvilluar protesta paqësore në Tropojë, Francë, Angli, SHBA etj. (A.R/SHUPLAKA)
