Partia Demokratike dhe Lëvizja Socialiste për Integrim, duket se janë në një mendje lidhur me emërimin e Gramoz Ruçit si kryetar Kuvendi.
I pari ka qenë kreu i grupit parlamentar të LSI-së, Petrit Vasili, i pari, që ka deklaruar se nuk do të votojnë pro kandidaturës së Ruçit si kryetar Kuvendi.
“Nuk e votojmë qeverinë “Rama 2”, pasi nuk e kanë votuar 80% e shqiptarëve. Grupi i LSI do të diskutojë kandidaturën e Ruçit, pasi kandidaturat të bëhen publike dhe do të përcaktojë qëndrimin, që është çështje e parëndësishme për ne, por jam i bindur që nuk do të jetë një votë pro.
Rruga që do të ecë grupi i LSI është rruga e një opozicioni, jo vetëm të fortë dhe të qartë i mbështetur në çështje të mëdha parimore, që kanë të bëjnë me interesin publik, që është cënuar nga qeveria, do u japim jehonë shqetësimeve qytetare”, deklaroi sot ai për Report Tv.
Ndërkohë, në mbledhjen e sotme të grupit parlamentar të PD-së, “Shuplaka” mësoi se demokratët vendosën të marrin pjesë në seancën e nesërme në Kuvend, për të votuar kundër zgjedhjes së Ruçit.
Kështu, në mbledhjen e nesërme Ruçi nuk do të fitojë asnjë nga 43 votat e PD-së dhe as 19-të të LSI-së, por do të mbështetet vetëm tek ato të PS-së dhe PDIU-së. (D.D/Shuplaka)
Discussion about this post