Një ditë pasi kryeministri Rama tha në Kuvend se një prokuror ka lidhje me krimin e organizuar dhe grupet kriminale, Faxweb.al mëson se Rama i referohej prokurorit të Durrësit Arian Ndoja.
Kjo për shkak se gjatë ditës së sotme, pas Ramës ka qenë Erion Braçe ai që ka bërë akuza për prokurorin e Durrësit, teksa ndodhej i pranishëm në seancën ndaj Liridon Pulës, ish-drejtorit të Kadastrës.
Ndoja ka qenë prokurori që ka dhënë urdhërin për arrestimin e Pulës brenda zyrës së Kadastrës, pasi akuzohet për korrupsion dhe shpërdorim të detyrës.
Sipas Braçes, nga ajo çfarë ka dëgjuar në seancë, prokuroria nuk paraqiti asnjë provë për akuzën e ngritur dhe se gjithcka vjen në formë presioni për të legalizuar pallate dhe toka të bandave.
“Liridon Pula akuzohet për çështje që nuk i përkasin. Është absurde që një nënpunës i shtetit të jetë nën presionin e një prokurori që punon për grupet kriminale”, tha Braçe.
“Sa kohë kam që e them, këto kanë vënë pasuri marramendëse. Me çfarë i bërë zotrote, faturat e bixhozit në Monte Karlo. Nuk është pushim nga puna vetting por do të hetohet. Sot është prokuror dhe punon për organizatat kriminale dhe u bën shantazh nënpunëzve të shtetit. Nuk arreston qeveria, arreston drejtësia dhe procesi i një drejtësie që arreston është ky që po bëjmë“, tha Rama dje në Kuvend. (Lexo të plote ketu lajmin)
(E.K/Faxweb.al)
Discussion about this post