Analisti i njohur Fatos Lubonja i ftuar në një televizion informativ, ka folur dhe komentuar zhvillimet politike në vend.
Sipas Lubonjës problemi ynë më i madh nuk kanë qenë ligjet por mënyra sesi i zbatojmë ato. Na duhet një reformë sesi të jemi të barabartë para ligjit-shprehet analisti.
“Reforma në drejtësi është një reformë në letër, të tilla kemi bërë që nga ‘91 dhe nuk i kemi zbatuar. Problemi ynë më i madh nuk kanë qenë ligjet, por mënyra si i zbatojmë këto ligje. Nuk duhet një reformë në letër por një reformë se si të jemi të gjithë të barabartë përpara ligjit”.
“Kemi një klasë politike, rilindësit e famshëm që nuk mendojnë gjë tjetër vetëm si t’ua hedhin këtyre njerëzve. Natë e ditë këtë mendojnë si të mashtrojnë”.
Lubonja nuk ka nguruar të komentojë edhe marrëdhënien PS-LSI, të cilën ai e cilëson si një marrëdhënie mes bandash.
“Rama ka futur edhe bandën e Idrizit në funksionim, rivale për të dobësuar Metën. Këta nuk po përmirësojnë njëri-tjetrin, LSI tenton të duket më normale por ka interesat e veta”, thotë Lubonja. (M.D/SHUPLAKA)
