Kreu i qeverisë Edi Rama ka qenë sot në Fier, ku në një takim me qytetarët është shprehur se nuk ka ndërmend që të dorëzohet për ‘’100 petritat e saliut që dalin rrugëve’’.
Rama tha se kreu i PD-së Basha po përpiqet që të sjellë një model të ri të çadrës së famshme në Bulevard, po këtë herë nuk do tia dalë për shkak se PS nuk do të bëjë hapa pas.
Kryeministri u shreh se Basha dhe PD morën të gjitha ministritë që kishin në dorë organizimin e zgjedhjeve, dhe nuk pati asnjë ankesë në Kolegj për rezultatin.
“100 petritat e Saliut atje te kthesa përfaqësojnë dëshpërimin e madhe të saliut dhe të qerres së tij, që ka ngelur rrugëve, rrugëve, rrugëve. Punët e tyre të lëna rrugës, plot me borxhe ne i morëm dhe avash, avash po i sistemojmë. Unë dua që tiu them të gjithëve që të mos shqetësohen se un ë huk dorëzohem, kujt ti dorëzohem? Atyre te kthesa?
Ata nuk i ka marrë peng qeveria, i ka marë koka që s’di se ku i çon. Ne përpara një viti e gjysmë i kishim në mes të Bulevardit, nën dritaren e punës sime, e nisnin ditën me himnin kombëtar dhe e mbyllnin me birra, dhe thonin që nuk do të dilnin nga çadra sa të isha unë në qeveri.
Çfarë bëmë ne, i morëm në qeveri dhe iu dhamë të gjitha ministritë e rëndësishme. Iu thamë merri të tëra, dhe i thashë nënshkruaj këtu Lulzim dhe kush fiton zgjedhjet i fiton. Fituam zgjedhjet, u lodh Luli, dhe fjeti gjumë të gjithë verës, asnjë punë në Kolegj, ua dhamë rrogën kot punonjësve pa asnjë punë”, u shpreh Rama nga Fieri.
(E.K/FAXWEB.AL)
