Mes flamujve kuqezi kryeministri Rama ka qenë sot në Kamëz dhe ka bërë thirrje për një votë kombëtare. Nuk ka kursyer as batutat për Xhelal Mziun dhe kryedemokratin Basha.
Rama tha se pavarësisht votës historike për të djathtët kamzalinjtë tashmë duhet të vendosin të parën të ardhmen e fëmijëve të tyre.
Ndërkohë kujtojmë se kryeministri Rama duhej të ishte në Kuvend sot po preferoi të shkonte në bastionin e të djathtëve.
“Shabani, Xhelali, bënë vetëm 21 mijë legalizime me lekë, mbi dorë dhe me lekë nën dorë. Nga këto 21 mijë legalizime, 85% ishin biznes. Ata 21 mijë gjithsej në 8 vjet, ne në 2 vjet e gjysëm 138 mijë legalizime. Nga këto 93% shtëpi shqiptarët, pavarësisht bindjeve politike.
Partitë e tjera duan ti mbajnë njerëzit të ndarë, pasi sa më shumë t’i ndajnë njerëzit, aq më shumë mund ti fusin duart në tepsinë e pushtetit. Përpara se të jenë të majtë dhe të djathtë, shqiptarët janë vëllezër dhe motra. Ka shumë familje që kanë marrë legalizimet, dhe nuk marrin hipotekën.
Ju bëjë thirrje që ose të bashkohemi për një revolucion kuq e zi, ose rrini peng në zyra i partive. A do e vendosim në vend këtë flamur? Nëqoftë se doni Lulin, atë e çojeni të flejë me kalamajtë, pasi e do shumë gjumin”, tha Rama.
(E.K/SHUPLAKA)
Discussion about this post