Greva e urisë së punëtorëve në Poçem ka hyrë në ditën e 4 ndërsa ditën e sotme ka mbërritur pranë tyre kru i Partisë Demokratike, Lulzim Basha.
Përmes një postimi në rrjetet sociale, Basha ofron mbështetjen e tyre pa kushte ndaj kërkesave të tyre që janë pagat e prapambetura dhe rifillimi mi punimeve në nënstacionin elektrik.
“Mbështetje pa kusht për punëtorët dhe kërkesat e tyre! Ata janë tradhëtuar, dhe keqtrajtuar nga qeveria. Viktimat e Edi Rames janë njerëzit e thjeshtë, qytetarët e ndershëm shqiptarë që luftojnë për mbijetesë dhe një jetë normale.
Në këtë betejë unë dhe Partia Demokratike do jemi zëri juaj, do jemi mbështetja juaj. Beteja juaj është beteja e çdo shqiptari, ne do të na keni në krah deri në plotësimin e kërkesave tuaja të drejta. Ju jap fjalën se do ti zhbëj të gjitha padrejtësitë ndaj jush”, shkruan Basha.
Ndërsa gjatë bisedës me grevistët, Basha ka thënë se e gjithë Shqipëria është shtrirë siç ishin shtrirë ata duke akuzuar qeverinë se po vjedh xhepat e tyre.
“Juve jeni shembulli i gjendjes ku ndodhet e gjithë Shqipëria. Ata pasurohu, ndërsa ju varfërohu. Ju punoni për familjen dhe frigoriferi është bosh. Kështu siç jeni shtrirë ju, është e shtrirë e gjithë Shqipëria. Kjo nuk është qeveri, janë një grup prej 15 vetësh që po vjedhin xhepat e juaj dhe po mbushin xhepat e tyre. Ta dini që nuk jeni vetëm, keni të gjithë Shqipërinë nga mbrapa. Këta nuk kanë vesh për t’ju dëgjuar s’kanë shpirt për tju kuptuar. Ndaj ne na keni gjithmone mbrapa. Kjo do t’i përkasë së shkuarës, kam ardhur këtu t’ju them se jeni shembulli i gjendjes ku ndodhen shqiptarët”.
(F.GJ/FAXWEB.AL)
Discussion about this post